Big Brother Albania 2 - Dita 43 Del Mesida

"Adelajda ka harruar të sillet me ne!" - i ka thënë Republika Mimozës. Mimoza i ka thënë se ajo, nga ana e vet, po mundohej të sillej sa më mirë, por nuk i pëlqente aspak mënyra sesi Adela fliste apo vepronte karshi saj. "Po e tepron, nuk po mundem ta duroj!" - ka thënë ajo.

Qetsori i thotë që ai diskutim e bën atë të marrë një vendim ekstrem, që të mos hyjë fare te dhoma e vajzave. "Vajzat duhet ta zgjidhin midis tyre. Nëse ato dëshirojnë mund të vijnë dhe të na takojnë te dhoma", thotë ai.

Banorët diskutojnë për debatin e Republikës. Anjeza thotë që për të nuk ka sens kërkesa e Republikës, që djemtë të mos qëndrojnë në dhomën e vajzave. Aida mundohet ta justifikojë, duke thënë që ajo nuk e ka tek e fjetura, por ka problemet e veta. Arjoni thotë: "Për këtë unë e respektoj Biken!"

Qetsori e pyet nëse ka pasur lidhje dhe ajo i përgjigjet që po, por që kishte përfunduar. Ajo shton: "Jemi ndarë përfundimisht dhe nuk ka kthim mbrapa. Unë dua që një njeri të më japë aq sa i jap dhe unë, të jemi të barabartë". Jeta e saj ka qenë e vështirë, pasi është rritur pa baba. Ajo thotë: "Familja është e shenjtë për mua!"

Anjeza, ndërkohë që ndihmon Qetsorin për gatimin, do që të dijë më shumë për të. Ajo gjithashtu i tregon nga jeta e saj. Ajo thotë që është një person që e do punën, pasi e mëson të komunikojë me njerëzit dhe të vlerësojë lekun. Paralelisht me punën ajo studion në vitin e dytë për Juridik.